毛毛身為愛國份子，梗係要學好中國國粹，將我國文化發揚光大啦！毛毛講緊嘅係打麻將呀！由中學去長洲camping，到大學住hall，再出嚟社會做嘢，麻將一直都陪住毛毛，係毛毛嘅好兄弟！哎呀講起隻手都開始有啲痕?……強國都有個同毛毛一樣咁鍾意打牌嘅神人，仲癲到自製咗本麻將寶典出嚟呀！

聽講佢整呢本寶典嘅原意係想送畀佢一個去咗日本留學嘅好朋友留念嘅，佢個friend收到之後勁開心，影晒相放埋上網曬命，結果就喺網上瘋傳喇！

又真係抵佢呃到like嘅，有晒唔同嘅牌形公式，仲自己畫埋公仔，寫埋解說咁，如果麻將有得修讀嘅話毛毛9估呢篇論文都應該達到博士級數喇！

老老竇竇，毛毛隻手好痕呀，不如唔好得個講字喇，幾時同毛毛打返10圈8圈先！

圖片來源、資料來源：阿萌Doris／微博