原來為咗自己深愛嘅老婆，男人真係可以去到好盡！講緊嘅係呢個台灣男人，為咗唔想自己啲鼻鼾聲會嘈醒老婆，竟然用啲膠紙黐住自己個嘴呀！

佢個女話，因為佢爸爸成日做粗重嘢，所以好易攰，瞓覺嗰時亦都會成日扯鼻鼾。而佢媽咪又好反瞓，少少聲就會好易醒……結果爸爸平時咪要瞓廳囉！

做得多廳長，都會掛住張床同老婆嘅！話說佢老婆噚日一入房，就見到自己老公唔單止瞓喺張床上面，仲拎埋膠紙黐實個嘴呀！

佢老婆見到即刻又感動又心都痛埋，嗱嗱聲影完幾張相諗住呃下like就輕輕咁撕走張膠紙，等老公可以慢慢瞓覺喇！雖然膠紙黐嘴呢樣嘢真係好危險，但呢個男人為咗老婆可以去到咁盡，唔係愛係咩呀哈利？Between弱弱問一句：到底呢啲絕世好男人仲可以去邊搵呀下？

圖片來源、資料來源：Bei Ma