坊間有個傳說，話如果想隻襪極速變乾嘅話，放入個微波爐度叮兩叮就得㗎嘞。雖然毛毛都聽過呢個傳說，但毛毛未試過咁做。而最近，日本有位勇者就真係走去試咗呢個微波爐叮襪大法，結果……結果毛毛都唔好意思講嘞，你哋自己睇啦唉！

咦！估唔到呢個微波爐叮襪大法原來真係work㗎喎，隻襪真係乾咗呀！只不過佢仲乾到燒著埋、穿咗兩個大窿咁啫……老老77，其實叮到對襪穿窿咁又點吖，襪本身就係有窿㗎啦，正所謂多一個唔多，多兩個都唔多啦！講到慘慘豬嘅，又點及得之前呢位叮襪到叮到個微波爐臭晒嘅網民呢：

呢個故事教訓大家，叮襪真係係一個高難度動作嚟，一控制唔好火候就好易出事㗎喇！所以各位大中小朋友喺專人指導之下，都係千祈咪亂試好啲喇！

資料來源：hama1219／twitter、廣州人

回帶：【究極神回】微波爐叮襪想除臭 點知叮臭咗個爐點算好？