返學規定要著校服，就係唔想班學生掛住扮靚唔專心讀書，所以咪個個都薯薯嘜嘜咁樣囉。毛毛仲記得以前有啲潮童同學（簡稱潮童學）會將書包、膠水樽同手錶都襯埋一隻色，等自己返學都返得潮過人㗎！

如果想扮靚又唔想畀老師記警告，不如學呢個同學仔咁啦！條手鍊個design夠晒簡約，純銀色，低調得嚟又有氣質，襯白色校服裙真係幾好睇咁啵！唔知喺邊度買嘅呢？

睇真啲，原來呢條氣質手鍊係用一樣你同我都一定喺課室用過嘅嘢整㗎！冇錯喇，就係釘書釘呀！條手鍊咁靚，就算賣10蚊條，賣晒畀全校女同學都發達呀！

上堂要搵嘢玩都有技巧㗎，就係要就地取材，如果成個玩具或者成部遊戲機拎出嚟玩就太張揚喇，而且畀老師收咗仲好肉痛?！所以一定要用課室本身有嘅嘢，好似用文具整飛機、用釘書釘整手鍊、用擦紙膠碎整火柴人咁，玩下玩下，就算讀書科科食蛋都實可以做到未來藝術家嘅，55。

封面圖片、資料來源連結：dcard

睇埋：【中學回憶錄】儲擦紙膠碎嘅極致就係整火柴人！