我哋亞洲就有神之手加藤鷹，而外國最近都有隻鷹爆紅！講緊嘅係呢隻住喺南非，唔小心畀動物愛好者影低咗嘅暗棕鵟呀！

你睇佢行到成個黑幫大佬咁，啲霸氣多到漏晒出嚟，就知佢係可造之材啦！嗱毛毛係指PS嘅材料呀下！因為佢呢張相已經成功引起咗咁多位PS大神嘅興趣，要幫佢瘋狂改圖喇！

行到咁有型，再有埋支機關槍嘅加持，即刻霸氣up！成個變種特攻咁呀！細心啲睇，啲毛仲PS到變咗做皮褸㗎！

聽講最近日本有隻國寶級怪獸叫做咩…哥斯拉喎！問過我呢隻鷹未先！

講到有霸氣地行路又點少得影帝里安納度呢？唔講唔知，其實佢都係跟我學嘢㗎咋！

除咗man之外，其實我都有柔情嘅一面㗎！你睇下我行hawkwalk嗰兩條腿，幾sexy呀！

不過老老竇竇，毛毛最鍾意嘅都係呢一張。雖然隻鷹係扮緊美國總統候選人特朗普，但係PS大神都特登講明話佢啲頭髮係中國製造，毛毛身為中國同胞見到都有啲感動到想喊呀。睇嚟強國真係抬起頭，距離成為宇宙名牌嘅日子不遠了！

圖片來源、資料來源：boredpanda