有人話囡囡係Daddy嘅前世情人，所以媽咪同寶貝囡兩個，情聖Daddy都一樣咁錫！（Between如果係真嘅話，點解今世情人媽咪又唔會呷醋嘅？）

話說台灣有個網民平時係住喺大學宿舍嘅，不過屋企同學校都只係10分鐘車程嘅距離，所以每個星期都會返屋企兩次嘅，又幾乖女幾黐家㗎啵～佢之前因為要去O Camp所以隔咗一個星期冇返屋企，佢老竇竟然趁呢段時間偷偷走咗入佢房！

唔係啩，話晒囡囡都大個啦，老竇問都唔問句就入佢房會唔會唔太好呀？唔通佢想偷睇阿囡本日記，check下佢有冇識咗啲金毛飛？阿囡返到屋企先發現，原來老竇入佢房係想寫memo畀佢，話自己日日都有入嚟睇下寶貝囡返咗屋企未呀！嗚呀，只係幾日冇見啫，都咁掛心，果然係前世情人呀！

平時成日都覺得老竇有種說不出的威嚴，但估唔到對住寶貝囡就會成個男朋友仔咁，為咗囡囡開心就咩都肯制。好似呢個老竇咁，凌晨4點彈起身就係為咗幫囡囡捉返隻走甩咗嘅水箭龜返嚟！不過你都識講係前世情人唔係今世啦，好多囡囡大個咗就會慢慢同老竇疏遠，突然先發現老竇真係老咗好多就太遲喇，今晚就返屋企陪佢食飯啦！

封面圖片、資料來源連結：dcard、黃小花／●【爆系公社寶可夢討論區】●

【父愛系列】

阿女畀水箭龜走甩咗 老竇凌晨4點起身幫佢捉

老竇！你做咩縫起我件露膊衫呀！