想知而家興著咩衫、孭咩手袋出街，唔係睇時裝雜誌㗎喇，識睇梗係睇韓劇啦！韓劇女主角著過咩款，妹豬跟住照著就實冇死錯人，不過毛毛又冇錢去韓國買，又唔識韓劇個PA，點知佢哋啲衫喺邊度買呀？

傻豬嚟嘅，只要上網一search「韓星 同款」，就會大把靚衫靚袋等住你買㗎喇！

呢個爛鬼布袋咩pattern都冇，就咁一塊黑色布車幾條線，好普通啫，唔使錢都唔要呀。

咦！呢個咪「氣質女神宋慧喬同款簡約易襯文青布袋」？！知道係女神bb喺《太陽的後裔》入面用過嗰款袋之後，突然覺得個袋又好睇又有design呀，買返十個八個日日孭返工先！

嗱嗱嗱，網上嘅賣家就係捉住妹豬呢種心理，所以無論賣咩都會話係韓星同款，等大家狗衝去買㗎！呢個手袋……同宋慧喬個袋都幾似吖，起碼大家都有條長孭帶，又可以擺到嘢入去吖嘛，嗯嗯。

估唔到宋慧喬都幾鍾意買手袋啵，同一個場景，同一套衫，竟然可以襯咁多款袋袋？！賣家呀，毛毛都明而家生意難做，不過呢套劇咁hit咁多人睇過，一睇就知你係P圖啦…… 

封面圖片、資料來源連結： dcard