有睇過《哈利波特》嘅人都應該記得，戲入面有個魔法道具叫做儲思盆，係可以睇到其他人嘅記憶，鄧不利多都有同哈利一齊用過㗎！點知現實中真係有人將呢個魔法道具整咗出嚟，仲用佢嚟求婚?呀！

呢個美國廿四孝男朋友因為見自己女朋友係哈利波特嘅忠實fans，所以就諗到呢條計仔出嚟喇！一開始已經非常之不得鳥，搵咗貓頭鷹界巨星嘿美嚟送件：

一打開個包裹就會見到支魔杖，個頂頂仲裝埋磁石?！另外仲有一個由男朋友親手整嘅陶瓷碗，同埋n咁多個放咗紙條嘅小玻璃樽，紙條上面寫晒佢哋之間嘅回憶。跟住落嚟做啲咩？都唔使毛毛多講啦！

倒晒啲樽落去，登登登櫈！一個儲思盆咁就完成喇！之前咪講過支魔杖有磁石嘅，其實就係畀個女仔吸啲樽上嚟！唔係磁力，而係愛嘅魔力呀哈利！

不過最閃嘅都唔係呢樣，而係呢幾個空嘅玻璃樽。

個男仔話，呢啲空樽係要用嚟放佢哋兩個將來嘅美好回憶呀！喂使唔使sweet到咁先？有冇諗過毛毛呢啲愛情麻瓜嘅感受呀下？我對眼呀……

圖片來源、資料來源：duffmanszalotathings/imgur