2016年10月21日 星期五
【今次發達喇】奴才今日買咗個大紙皮箱畀我呀！
作為一個專業嘅貓奴，時時向主子進貢是常識吧！而最近，有位日本貓奴都特登買咗個三層樓梯型貓架進貢畀主子，諗住氹下主子開心～喂，有個咁細心嘅貓奴服侍，主子梗係開心啦！大家睇下，隻主子仲開心到即刻走埋去……紙皮箱度?！
主子表示：「喵！估唔到呢個奴才又幾識做喎，居然知道朕嘅皇宮就係爭咁個大紙皮箱，而家呢個紙皮箱真係啱晒朕呀！等朕下次捉幾隻小強放喺佢面前打賞下佢先～」
btw，作為一個專業嘅貓奴，你唔係而家先知道主子對紙皮箱嘅喜愛程度係有幾誇張呀嘛？你睇呢隻貓貓完全無視自己肥嘟嘟嘅身型，死都要入個咁細嘅紙皮箱度就知啦！
所以話，呢位奴才都係認命啦。
