好多人都鍾意食薯片，而且一食就停唔到口，要即刻清晒佢先安樂。不過如果毛毛同你講，一盒入面得5塊嘅薯片居然要成400幾蚊港紙，唔知大家又buy唔buy呢？

話說，早前瑞典釀酒廠「S:t Eriks」為咗研究出同啤酒最夾嘅薯片，專程搵咗最top嘅廚師同最top嘅食材嚟打造呢盒世界上最高級嘅薯片－「sterikschips」。

喂老老77，5塊薯片賣成499瑞典克朗（大約港幣$435）咁貴，到底內裡有咩乾坤先？

嗱，其實「sterikschips」之所以賣到咁貴，除咗係因為呢5塊薯片用咗松茸、松露、洋蔥、淡啤酒、麥芽汁同薯仔等等嘅高級材料所製成之外，仲有另一個好有意義嘅原因，就係「sterikschips」嘅全部收益都會捐畀慈善團體呀！

點？是咪即刻覺得很想要呢？不過就算你哋很想要都冇用啦，因為呢限量100盒嘅薯片一推出就已經畀人掃清光嚕。

資料來源：steriks bryggeri