天氣開始凍，好多流浪貓狗都鍾意匿喺汽車引擎度（好似多數係貓貓），唔係想同你玩捉迷藏呀，而係貪嗰度夠暖，可以取下暖呀～所以有車嘅朋友記得開車之前拍一拍架車，話畀匿埋嘅貓仔狗仔知你要出車，等佢哋跑返出嚟呀！

最近日本有個網民就話佢車頭有張好心人留低嘅字條，話自己聽到喵喵聲，引擎入面可能有隻貓仔，叫車主留意下。

點知睇真啲，真係有隻細細粒嘅貓仔匿埋咗呀！不過佢都係唔肯走嚟，搞到個網民要搵日本自動汽車連盟嘅工作人員嚟幫手拆開個引擎，先救到貓仔出嚟。

好彩最後貓仔都冇受傷，安全走返出嚟！不過貓仔可能驚驚啦，佢畀人救返出嚟之後，就即刻跑咗去草叢度喇！原來喵星人冇分家貓定浪浪，都一樣咁高逗嘅……點都好啦，有車嘅朋友記得開車之前拍一拍架車，冇車嘅朋友如果遇到類似事件都記得提提車主，唔好怕人哋覺得你多事呀！

はい？
ワイパーにはさんであったわ。 pic.twitter.com/zF7kGmx5Ll

— な べ ぞ (@muchbaron) November 5, 2016

封面圖片、資料來源連結：muchbaron／twitter