而家上網shopping咁方便，真係無論塞緊屯門公路定屙緊sss都會忍唔住手係咁加嘢入購物車呀！不過隔山買牛都一樣有缺點㗎，除咗驚貨不對辦中個大伏，仲要驚包裝得唔好，山長水遠運過嚟嘅途中整爛咗件寶貝！

強國個賣家就醒目喇，用膠樽嚟裝海報都畀佢諗到喎！咁又係呀，海報咁大張，又唔可以摺起嚟寄，捲起放入膠樽就安全得多啦，仲好有漂流瓶嘅詩意?！

強國賣家都咁小心，出名做事謹慎細心嘅日本人又點會輸蝕呀。話說日本有個網民喺阿媽鬆網站shopping之後收到呢個紙皮箱，咁大個箱，佢一定係買咗好多嘢喇！毛毛最鍾意就係睇開箱文㗎喇，就算得個睇字都好似自己有份咁刺激呀！

一打開個紙皮箱就見到入面塞滿晒填充氣袋，唔通佢買嘅係玻璃之類嘅易碎物品？

燈燈燈凳～開估啦！原來係電池……兩大粒呀！為咗確保呢兩粒小小嘅電池可以安全到達買家屋企，賣家明知已經有個原本嘅膠包裝，都不惜用個大紙皮箱同埋足足6個填充氣袋保護佢哋，呢種一絲不掛……呀唔係，一絲不9嘅精神，真係好值得學習呀！

4コマ漫画です pic.twitter.com/12eCiF4gIM

— sitta* (@si_tta) November 7, 2016

封面圖片、資料來源連結：si_tta／twitter

延伸閱讀：【漂流瓶咩】上網買海報個賣家咁樣樣寄畀我