對吃貨嚟講，一年到晚都係食甜品嘅好時候！夏天要食雪糕呀布甸呢啲凍嘅甜品爽下，冬天就一定要食蘋果批！

天氣凍到連個鼻都僵晒，但食啖蘋果批入口，即刻成個人暖笠笠，加埋陣陣嘅肉桂香味，真係諗起都好有冬日氣氛呀～上網搵埋食譜，一於試下D.I.Y.先！

咦？！呢款，咪就係嚟自地獄嘅蘋果批？！相信地球上73億人都冇人夠膽實牙實齒話自己知道地獄係點樣樣，但只要食一啖呢個蘋果批，你就可以好有自信咁同人講你感受過地獄嘅味道喇！如果呢個批化身做一個女人，肯肯定係魔鬼咁嘅面孔再加魔鬼咁嘅內心啫！

古乳有暈「睇人pk最開心」，不過地獄廚神身邊嘅網民竟然唔係咁諗啵，有個天使心腸嘅網民見佢咁慘豬，仲特登用而家最興嘅修圖app「Snapseed」幫佢執執啲色，希望挽回頹局。不過都係算罷啦，你覺得隻色sharp少少真係有幫助咩？最多咪由18層地獄上到17.5層。

有個網民仲同佢傷心些牙自己嘅失敗作品，希望佢覺得有人陪自己不幸就係最大嘅幸運。呢個蘋果批係就係燶晒，不過都仲睇得出係蘋果批呀，你咁都話自己整得唔好，攞景定贈慶先……

理想と現実 pic.twitter.com/lCtgVYWfFi

— ふぁんたろー (@phantaro) November 27, 2016

封面圖片、資料來源連結：phantaro／twitter

同場加映：【喊出嚟】又話整青蛙仔麵包好易好簡單嘅？！