世上只有媽媽好～有媽的孩子像個寶～呢首歌仔我哋細細個就識唱啦，不過對爸爸嚟講真係有啲唔公平囉，雖然爸爸冇經過十月懷胎，但喺BB出世之後，都一樣辛辛苦苦照顧頭家，當正BB係命根咁㗎！

話說有個媽咪話自己洗完白白出嚟，就見到B女瞓咗喺老公平時擺模型嘅玻璃箱入面！嘩，好地地瞓喺玻璃箱，真係嚇到個心離一離呀，唔講仲以為爸爸幫B女綵排緊新白雪公主呀！

只係沖個涼，短短幾個字時間啫， 老公就玩咁大，唔通媽咪連少少休息時間都唔可以有？！聽埋老公解釋先啦，原來佢話驚B女畀蚊咬，所以先特別拎個玻璃箱嚟罩住B女咋，仲有呀，個箱有一面係通窿嘅，大家唔使咁擔心～

係人都知男人幾錫啲模型公仔㗎啦，而家佢竟然寧願睇住啲公仔沾滿塵，都唔想B女白白滑滑嘅肌膚畀蚊咬，可以肯定講一句，佢已經由男仔進化做一個真男人喇，媽咪你應該安慰先係囉！你睇，啲公仔而家唔止失寵，仲要畀蚊咬喇，幾慘呀！

封面圖片、資料來源連結：謝茜兒

《激死老婆冇命賠系列》

【要噴血了】老公呀，點解個碟仔咁熟口面嘅…

【阿媽崩潰一刻】唔怪得人哋話唔可以畀老竇湊BB啦！