「人類真係有趣。」
話說,早前有位台灣網民見冇人陪佢過除夕,最後佢竟然捉啲蚊嚟陪自己,仲要唔係一隻半隻,而係好L多隻?!佢話喎,應該生擒先有聲音陪佢倒數……事不宜遲,而家就等毛毛同大家睇下佢捉完啲蚊之後點處理先!
嗚哇,佢竟然將啲蚊跟捉到佢哋嘅日子順序排好,仲要逐隻幫佢哋改名,連深受毛毛尊敬嘅蒼老師個名都動用埋?到底一個人要去到幾無聊先會咁做呢?
不落諗諗下,呢種情景好似有啲似曾相識,張紙上面有晒每一隻蚊嘅姓名同樣貌……
毛毛知喇!原來呢位網民就係奇拿!乜你哋見唔到死神就喺呢位網民後面咩?唉,你哋梗係見唔到啦,你哋都冇掂過本筆記!Btw,其實要捉蚊又使咩出動死亡筆記吖,之前呢位日本網民用一支原子筆就可以捉到隻蚊喇~
撳個筆頭出嚟,再等隻蚊飛喺上面,再撳多下支筆,咁隻蚊咪會畀支筆夾住咗囉~冇原子筆?唔緊要,乜你哋平時唔係慣咗順手拎隔籬位同學/同事支筆嚟用,用完又唔記得還返畀人哋㗎咩?下!下!下!
資料來源:詹榮濬/爆廢公社、KomaMito/twitter