做得人爸爸媽咪，最錫嘅梗係自己個BB啦，好多人都會24小時貼身照顧BB，帶畀佢無微不至嘅關懷，驚自己一下唔小心睇漏眼㗎。不過鐵人爸爸媽咪都有攰到恰著咗，或者去一去廁所嘅時候嘅，阿B就會趁呢個moment偷偷地掟下玩具、咬下腳趾，做啲平時爸爸媽咪未見過嘅事㗎～日本有個阿B，就疑似趁媽咪睇唔到，偷偷地去咗街口電髮喇！

阿B你唔使唔認喇，啲頭髮一條條飛起晒，仲唔係特登set嘅？原來阿B得三個月大，但就已經生得一頭濃密嘅頭毛，仲要相當有空氣感，唔使gel都夠晒有型呀～

呢隻獅子仔對於媽咪拎住部相機係咁影佢個頭表示不解，仲要擺出個咁無辜嘅神情，真係卡哇依呢～睇見都想攬實佢，幫佢瘋狂梳頭呀！

一路睇都一路覺得阿B側面睇個感覺好熟㗎喇……冇錯喇，原來就係貓王！阿B咁細個就強行企起身，對腳仲唔震過貓王？

ちょ（笑）毛（笑）

いつもにも増してボってなってる（笑）
絶対笑い誘ってる（笑） pic.twitter.com/wpyfzQOO5B

— ふうかちゃん** (@kaaachq) January 4, 2017

封面圖片、資料來源連結：kaaachq／twitter

延伸閱讀：【堅・魔髮精靈】 一出世就成頭毛嘅真毛孩