啲人成日話去日本一定要夾公仔，因為有好多唔同類型嘅遊戲，又好易中，而且啲店員仲好幫手。之但係有啲人又話，個夾會夾夾下就爛，就算夾到個公仔都會卡喺出口……到底真相係點？你睇完呢段片咪知囉！

喂，呢部機咪普通嘅掉乒乓波機囉，都係掉中八爪魚丸鐵板中間嗰格就中獎咋嘛，睇死佢咪又係掉落塊板度就彈走！

嗱都話㗎啦，而家仲要彈埋過隔籬部機?？都知唔係你嘅就唔係你嘅，拎唔到本Death Note，咪返去開Facebook囉，反正都係一打開就有成堆人名咋嘛……

咦咪住，原來粒波唔止彈去隔籬部機咁簡單，仲彈咗去隔籬部機嘅大獎位置呀！

恭喜晒呀，你班男人可以得到隔籬部機嘅景品大獎Minnie Mouse喇！老老77，Death Note 變Minnie Mouse 對一班麻甩佬嚟講又的確係「生命滿希望，前路受重創」嘅，但係咁都中到都算有運行吖，最多咪拎隻公仔去氹女女囉～如果你哋有嘅話。

封面圖片及資料來源：_F_L_3_5_／twitter

奇跡が起きた... pic.twitter.com/arzaBbt3qO

— 圭吾@ふれーむれすGt. (@_F_L_3_5_) 2017年1月4日