【不得了】老婆照超聲波竟然照到阿B成個菲利咁樣樣?

「老公,你話我哋第時個BB似邊個好呢?我就話生女一定要似我啫,你話係咪呀老公?」老老77,對一個男人嚟講,其實第時啲仔女係似嗲哋定媽咪真係一啲都冇所謂……只要唔係似第二個男人就得啦。

最近,有位台灣網民就去咗陪老婆照超聲波,一心諗住照下阿B係仔定女啦,點知佢一睇張超聲波相就話阿B十足十《龍珠》入面嘅菲利咁樣樣,仲忍唔住即刻post張相上網同網民開心些牙呢個喜訊𠻹!

圖片來源:莊宗霖/爆廢公社

嗱,呢位網民仲聲稱自己冇改圖㗎……唔通今次宇宙霸王真係返咗嚟?

圖片來源:動畫《龍珠》截圖

老老竇竇,其實假如阿B真係似菲利嘅話,都唔一定係壞事嚟嘅。毛毛聽講個樣生得似菲利嘅人天生就會有種走在潮流尖端嘅fat唇sense,好似陳太咁㗎!咁到時阿B出咗世,咪可以瘋狂同佢扮靚靚囉~

圖片來源:coin_eater/twitter

著SB69男子組合衫又得,著埋粉紅色紗裙都得,得咗!

btw,希望呢位網民嘅老婆知道自己老公擅自將阿B張超聲波照post咗上網仲要話阿B似菲利之後,唔會要呢位網民跪足七七四十九日玻璃啦……為咗個Like,輸咗頭家,值得咩?

 

資料來源:莊宗霖/爆廢公社coin_eater/twitter

睇埋:【喊出嚟】菲利都估唔到自己會有咁嘅一日……

毛記電視網站 · 版權所有 · 不得轉載 Copyright © TVMOST.COM.HK All rights reserved