係你嘅就係你嘅，唔係你嘅就唔係你嘅。最近，有位上海網民就話喺遇到一部挑戰人類包容程度嘅自動販賣機……咦，此話何解呢？等毛毛同大家一齊睇過！

唉，想買個杯麵醫下肚啫，個杯麵竟然咁都打橫卡住咗喺部自動販賣機入面出唔到嚟？唔緊要，一次唔好彩唔代表啲咩嘅，等我撳多包零食，話唔定包零食跌落嚟嗰陣會撞埋個杯麵落嚟呢～

諗住嚟招一石二鳥，點知包零食同個杯麵一樣卡住咗……唔通連部自動販賣機都唔鍾意我？我隻手就係我初戀情人，冇理由有我份㗎！吖，肯肯定係包零食唔夠重，所以先唔夠力撞個杯麵落嚟㗎啫～嗱，今次我就撳罐可樂出嚟，一罐可樂咁重，應該冇死喇掛！

嗯，部自動販賣機何止唔鍾意你，佢簡直係對你恨之入骨……第三次又fail咗喇！不過咁，人總要勇敢生存，我唔偏信第四次都係咁唔好彩！好心呢～福心呢～我已經入咗四次錢，你就大發慈悲求其跌一樣落嚟啦好嗎？

一兩次fail可以話係黑仔，但呢位網民竟然連撳四次都fail？假如呢位網民唔係伸隻手入部機度出術先影到呢啲相嘅話，咁呢部自動販賣機就肯肯定係一部蠱惑的自動販賣機！唉，哥哥，都話咗唔好撳機㗎啦，好7呀。

資料來源：老派戰鬥員／微博