隻玩具馬使唔使連丁丁都整埋咁仔細呀?

有傳當年姣婆Barbie飛咗阿Ken係因為佢鍾意咗第二個男人,之但係睇過阿Ken全相嘅大家都心知肚明,其實真相笨唔係咁簡單……唉!如果阿Ken可以好似呢隻模型馬仔咁,咁咪唔使畀人飛兼話佢冇L用啦!

圖片來源:atbobb/twitter

話說,有位美國爸爸阿Bob Velcoro聖誕節嗰陣就送咗一套動物模型畀兩歲嘅囡囡,等囡囡可以認識一下唔同嘅動物咁嘅。點知最近一次佢陪囡囡玩呢套動物模型嘅時候先發現……點解其中一隻模型馬仔係有丁丁嘅?

圖片來源:atbobb/twitter

喂玩具嚟啫,使唔使咁仔細呀?搞到呢位爸爸都忍唔住要將呢隻丁丁大師放上twitter,一日之內仲畀成萬個網民些牙𠻹。

btw,其實隻模型馬仔連丁丁都整埋又有乜所謂吖,馬仔都要繁殖下一代㗎嘛,當提早同小朋友上性教育堂咪得囉!唉,不過而家弊就弊在除咗馬仔之外,其他豬牛羊乜乜乜都冇丁丁呢……淨係得馬仔先有丁丁,你哋叫呢位爸爸點同囡囡解釋啫?唔通豬牛羊唔使繁殖下一代咩?

any肥,好彩今次呢位爸爸有將丁丁大師放上twitter,如果唔係都唔可以幫丁丁大師搵到佢嘅另一半呀!話時話,有冇人知馬嘅丁丁係咪咁樣樣㗎?

 

資料來源:atbobb/twitterjordivanderoord/twitter

 

毛記電視網站 · 版權所有 · 不得轉載 Copyright © TVMOST.COM.HK All rights reserved