最近，有位外國妹豬喺imgur同網民分享咗一件人間有愛嘅事。

話說，呢位妹豬早前就同屋企人去關島一間餐廳度食癲嗱，雖然面對住一堆好西，但佢就食龍肉都冇味，因為佢同男朋友嗌緊交呀！就算喺癲嗱期間，佢同男朋友都仲喺message度嘈緊，搞到呢位外國妹豬仲忍唔住邊send邊喊?……不過大庭廣眾咁喊法都係有啲樣衰嘅，所以呢位妹豬就行開咗一陣，順便冷靜下嘞。

點知就喺呢位妹豬冷靜完返去食食下嘢嘅時候，竟然有位侍應行埋嚟話想請妹豬食甜品？原來呢位侍應一早就留意到妹豬偷偷地喊喇，所以佢咪喺裝住甜品個碟上面寫住「KEEP SMILING」囉～真係好sweet呀！

果然妹豬見到都即時動已感！而為咗多謝侍應呢個咁sweet嘅舉動，呢位妹豬食完個甜品之後都嘗試用醬汁寫返個「THANK YOU」畀佢（雖然字醜咗少少），而且臨走嗰陣仲畀咗個愛的抱抱佢?～

btw，陰謀論毛毛表示：肯肯定呢位外國妹豬係靚女……完。

資料來源：Dragonhuntx／imgur