臨近新年，唔少公司都會同員工做節食飯，等員工可以食返餐好，順便又玩下抽獎遊戲咁嘅。而最近，有位台灣網民嘅fd子都參加咗公司嘅聚會，而且仲畀佢超好彩咁抽到十萬蚊嘅現金大獎?～真係葡萄死一眾同事呀！

「請食飯！請食飯！請食飯！」

喂，大嗱嗱成十萬銀咁多，個利是封就梗係漲卜卜㗎啦，你哋睇下個利是封厚過右邊封普通利是幾多～嘻嘻！唔知揸住一百張一千蚊紙喺手嘅感覺係點㗎呢？

到佢打開個利是封一睇……係就係十萬蚊喇，不過可惜唔係十萬蚊台幣，而係十萬蚊柬埔寨幣呢！下，計返匯率，十萬柬埔寨幣咪即係等於800蚊台幣？800蚊台幣都係等於兩嚿水港紙咋喎……

而事主就補充，其實腦細唔係因為孤寒所以先用柬埔寨幣嚟代替台幣嘅，腦細只係純粹想搞下gag啫……嗯，腦細你份人真係好L幽默呀，咁嘅玩笑都畀你諗到，你真係好L好嘢呀～腦細英明！腦細英明！

資料來源：鄭鉅耀／爆料公社