毛毛都知同大家睇多咁多次暗黑料理，搞到你哋以為人人嘅靈魂入面都隱藏住成為暗黑廚神嘅潛能㗎喇。其實呢個世界都仲有曙光，唔係人人一落廚都會煮到一鑊粥咁嘅，就好似呢個台灣嘅網民咁呀，平時都唔會入廚㗎，但估唔到整起甜品上嚟又似模似樣啵！

佢話突然心血來潮想試下焗曲奇餅，跟住食譜一步一步咁整，製成品又幾好咁啵！冇碎到一地都係不特止，仲要壓埋心形，喂你是咪偷偷地買現成曲奇返嚟影相呃人㗎？

點知喺呢堆睇見都濕晒個口嘅心心曲奇餅入面，出現咗條擺明唔屬於呢度嘅……物體。好心整嘢食就唔好畀狗狗入廚房啦，好危險㗎嘛，一陣佢吞咗朱古力落肚，或者燙親點算呀？而家仲要擺低幾両喺盤曲奇度，全部都唔使食啦，整幾靚都冇用啦！

咪住先，原來呢條咁搶鏡嘅條狀物體，笨唔係狗sss，而係阿媽嘅傑作。佢話，整做一條條，方便一邊睇電視一邊拎住食喎……而家咁樣樣真係唔止方便喇，仲肯定冇人同你爭食?呀媽子……

最估唔到嘅係，媽子竟然冇一邊煲劇一邊享用佢嘅暗黑料理，反而擺咗喺佛像前面，希望佛光加持！你到底有冇諗過佛像嘅感受，佢幾時有話過自己想食sss……呀唔係，曲奇餅呀？

封面圖片、資料來源連結：seasonsong／ptt

《神之曲奇餅系列》

【神之手】阿媽話整曲奇餅 點知整咗兩件藝術品出嚟！

【整容失敗】發到豬頭咁嘅麵包超人

【黑暗料理系列】麵包超人慘變毒氣雙子