香港人不嬲都當18歲係由細路變做大人嘅界線，可以入酒吧入馬會買煙仔，不過日本人就要等多兩年，20歲先當係大人喇。每年1月嘅第二個星期一都係「成人之日」，夠20歲嘅準大人會去成人禮儀式慶祝㗎～

成人之日話晒都係人生中嘅大日子，呢個後生女早幾日就打扮得靚靚咁去出席儀式喇～著條連身裙再戴埋條寶貝珍珠鏈，真係夠晒成熟，大個女咁喇啵！

點知，佢去到成人式活動嘅時候，竟然畀門口嘅實Q拒絕入場呀！唔通佢其實係報大數，未夠秤嘅？事實往往係殘酷嘅，實Q唔畀佢入場，都唔算最傷心，因為背後嘅原因先係一刀刺落佢個心呀……實Q竟然同佢講「阿媽唔可以進入會場」……喂呀，著得成熟少少啫，使唔使咁大個誤會呀……

發生啲咁嘅事，大家都唔想，但係佢仲可以post上網同大家些牙，等大家一齊笑下，証明佢真係識得諗，大個女喇！

今日は成人式でした。
ご存知の通り、ふりそでいやだーしょんなので、少しだけフォーマルなカッコで行ったら、会場に入る時に「お母様は入れません…」と一瞬、警備員に止められました。ハタチです。 pic.twitter.com/Hu3ZlWG1Or

— 古町MOI (@massyu_moi) January 9, 2017

封面圖片、資料來源連結：massyu_moi／twitter