士多啤梨上面佈滿一粒粒小種子，睇落就好似一個充滿黑頭粉刺兼毛孔粗大嘅鼻咁，真係諗起都覺得肉酸！唔怪得啲女女咁勤力清潔塊面啦，原來就係最驚有士多啤梨鼻。不過咁，家陣有士多啤梨鼻就好肉酸喇咩？未算～計毛毛話，有發咗芽嘅士多啤梨鼻先至係堅．肉酸呀！

嘩＿！點解粒士多啤梨未畀人收割，但佢啲種子都會開始發芽嘅？明明粒士多啤梨係仲生長緊㗎喎……大家再認真望下粒發芽士多啤梨，每一塊嫩葉都喺個小小嘅缺口度爆緊出嚟，密密麻麻咁，真係望多兩眼都起晒雞皮！唔通呢啲就係傳說中嘅變變變生命力？

另外，都有女網民話一見到呢粒發芽士多啤梨就諗起自己隻唔記得剃毛嘅飛毛腿。

Between，雖然植物發芽呢家嘢平常到不得了，之但係呢粒發芽士多啤梨個樣實在係太樣衰，唔介意嘅話，毛毛可唔可以用佢做一做針清先？

資料來源：Getdownontheflo／imgur、痞客邦