而家啲廢青，郁啲就話上唔到樓個社會唔公平乜乜乜，想當年，阿爺打一份正職一份兼職收工再拎膠花返屋企穿，辛苦少少咪供到樓囉，仲養大你老竇五兄弟姊妹呀，少少嘢都唔捱得！唔好以為阿爺淨係舊屎勁呀，其實而家都一樣寶刀未老！

話說有個日本妹豬同爺爺講想要間玩具公仔屋，可能係想畀Barbie同阿Ken渡假用啦，於是爺爺就D.I.Y.咗呢間玩具屋出嚟喇！講正確啲，唔係屋咁簡單，直頭係大宅！

呢間日式大宅有三層高，又有樓梯又有唔同房，Barbie想收埋幾多男朋友都得啦！不過話明日式，唔知Barbie冇床瞓又慣唔慣呢？

阿爺親手整呢間玩具屋咁強大，邊個仲敢話老友記手震震眼花花呀！老友記平時唔出手咋，一出手，連佢自己都驚呀！ 間屋咁靚，相信就算係已經唔玩玩具嘅大人都好想要返間呀。不過最令人羨慕嘅，都唔係有間玩具大宅，而係有個咁錫自己嘅爺爺～

じぃじが作ったドールハウス凄すぎて震える(;ﾟДﾟ)! pic.twitter.com/aMoT7l1bCD

— アートプロセス【厳選】 (@art_processs) January 12, 2017

封面圖片、資料來源連結： art_processs／twitter