啲人成日話揸電單車好型，啲女畀你哋溝晒啦！公平咩？唔好以為做華dee好爽呀，其實要養部電單車都唔易㗎，又要搵位泊，又要成日擔心畀人偷車，仲要入油養佢?。唔係你以為扮型咁爽皮唔使付出代價呀？

有個台灣網民想泊車嘅時候，就畀佢發現到一架新款電單車，唔止車身超輕，仲唔使入油?！講緊嘅咪就係呢部氣球扭嘅電單車囉，咁型棍都畀你整到，真係畀你吹漲呀！仲要泊到靚一靚咁喺個電單車位度，擺明就示威啫～

連PO主見到都忍唔住要同架車影返張合照，咁又係嘅，架車咁有型黐晒貼紙咁，拍埋落啲真車隔籬一啲違和感都冇，就連毛毛見到都忍唔住唱返句「面對當年情，真心說句」呀！不過呢架車都好蝦人坐啫，重少少都爆呔，又唔襟撞，一個唔小心就total loss喇！

呢架車用咗咁多個氣球，仲砌得咁精緻，整嗰個人一定花左好多心思啫，但係就咁將架車泊喺度，平日又咁多喵星人經過，佢幫車主買重保險未㗎？btw，雖然有冇主子出手，呢架車都會有消失嘅一日，但係好似愛情咁，曾經擁有都好過從來沒有，從來都沒有吖嘛～ 

封面圖片及資料來源： 姚岱均／爆廢公社