香港地而家乜都貴，食個lun廚都要成半百，加上枱頭有疊成米高嘅file等緊你處理，唔好諗咁多食邊間茶記喇，都係咬個麵包算罷啦。如果你日日都有買麵包嘅話，有冇發覺其實都幾浪費呀？食幾片方包啫，又膠袋又包裝膠扣，好唔環保啵！快啲學下呢個玩法，物盡其用啦！

呢個窿窿係咪好有親切感呢，咪就係裝麵包個膠袋上面個扣囉！多數人食完麵包就會隨手扔咗佢，不過以後記得儲起佢喇，因為只要發揮創意，佢哋一樣好有用！

首先對摺一下，係咪已經開始覺得有啲熟悉嘅感覺呢～估唔估到想整咩呀？

「喵，我聽到有人召喚我呀！」

再畫幾筆，一隻卡哇依到爆嘅喵喵就出世喇！雖然睇落好無聊，不過得閒整嚟氹下自己開心都幾好呀～

如果覺得一啪一摺整做喵星人，都係得啖笑，玩兩玩就冇用嘅話，不如試下用嚟繞耳筒啦！好多時一伸隻手入手袋，又叉電線又耳筒線咁繞埋一大嚿，解得嚟呀，程地鐵由柴灣都搭到去旺角喇。用包裝膠扣一條條繞好佢，咪唔會煩囉！

だいぶ前にTLで見かけた「正しいアレの使い方」を実践してみたよ。

①半分に曲げて
②ニャー pic.twitter.com/Fzy1NnhW2X

— りくな☆ドルショ(あ-09) (@zakuro_doll) January 12, 2017

封面圖片、資料來源連結：zakuro_doll／twitter

睇埋：【小姐變個魔術畀你睇】包裝膠扣瞬間變動物