今日真係好凍，冷得毛毛騰～騰～震，好想收埋自己喺被竇裏面直到2046呀！不過講到凍呢家嘢，其實香港嘅凍又算得係啲咩吖～早前日本持續落大雪，噚日更加有北海道網民話去廁所嗰陣發現馬桶入面嘅廁所水結埋冰?，唔信你哋睇下！

嘩！真係隔住個mon都feel到有陣寒氣吹緊過嚟……話時話，啲廁所水結咗冰會唔會搞到個廁所沖唔到廁㗎？咁咪會整到個廁所又臭又污糟囉？睇嚟是時候要出動毛毛支溫水炮嚟幫呢位網民射穿佢嘞！

老老77，日本凍起上嚟都唔講得笑㗎，除咗有今次嘅廁所水結冰事件之外，之前都曾經有另一位日本網民話自己屋企發生咗過烏龜結冰事件。好彩隻龜龜生命力夠強，所以經主人解凍後都救得返咋！

between，其實樂觀啲咁睇，廁所水結冰又有乜好怕喎！咁而家你哋屙sss嗰陣咪唔使驚畀啲污糟水花彈親個pat pat囉……55。

トイレ凍ってた。死亡確定。 pic.twitter.com/p3UW3YVO2n

— べあー (@kuma_saaaaan) 2017年1月13日

資料來源：kuma_saaaaan／twitter、miya_519／twitter

睇埋：【喊出嚟】天氣凍到連隻龜都結冰！