最近日本持續落大雪，繼前日有北海道網民話自己屋企發生廁所水結冰事件後，噚日又有另一位來自北海道帶廣市嘅網民話天氣凍到佢呼啖氣出嚟都搞到啲頭髮結晒冰喎！唔止咁，佢仲叫大家千祈唔好睇小零下20度嘅北海道咁?！

嘩嘩嘩，唔係凍到咁呀嘛？唔講毛毛仲以為呢位網民染咗個潮頭喎！

唉，曾經有日本電視台話過北海道係一個冇小強嘅天堂，毛毛仲以為自己終於搵到理想居住地，但而家見到北海道凍到咁樣樣，過到去容乜易未畀小強嚇死都畀天氣凍死㗎？嗱，大家又唔使咁驚嘅，其實呢位網民之所以搞到頭髮結冰都係因為佢夜媽媽走出街咋嘛。夜晚嘅天氣就梗係特別凍㗎啦，如果乖乖哋留喺室內有暖氣嘅地方咪乜事都冇囉！

咩話？你哋話就算留喺室內啲廁所水都會結冰？搞到冇得去廁所？

哦，廁所水結冰呢樣就仲易解決啦，如果你哋好似毛毛咁擁有一支暖水巨炮，咪用暖水炮射穿佢囉！冇嘅話都唔緊要，橫掂出面有咁多雪咯，走出去用積雪整返個私家廁所咪得囉！應該係，除非唔係。

夜中に歩いてたら吐く息で前髪全部凍った
帯広怖い、マイナス20度の世界はナメちゃいけない pic.twitter.com/6dBVSi2iTu

— クロ (@kurozekizeki) 2017年1月14日

資料來源：kurozekizeki／twitter、kuma_saaaaan／twitter、rimmr_／twitter

回帶：【冷得我騰騰震】北海道凍到連廁所水都結冰？

回帶又回帶：【喊出嚟】天氣凍到連隻龜都結冰！