話說，最近有位日本網民喺網上見到一條白褲長褲竟然只係賣500円（即係大約三十幾蚊港紙）咁平，就梗係心郁郁想買啦！雖然賣家都講明係因為條褲上面有少少污漬先至賣咁平，之但係500円就買到條褲真係抵到爛喎！少少污糟咋嘛，叫阿媽洗下咪著得囉～所以最後呢位網民都買咗條褲返嚟嘞。

點知到佢收貨嘅時候先發現，原來污漬根本唔係問題，呢條褲最大問題係佢嘅長度呀！

喊出嚟！個賣家又話條褲淨係得少少污漬問題嘅，點解條褲會咁鬼長㗎？你哋睇下，條褲著咗上身仲要好似著咗蛀鞋咁款，叫呢位網民邊好意思著出街啫！就算當禮物咁送畀姚明同長腿叔叔，佢哋都唔要啦……

between，其實樂觀啲咁睇，長都好過短吖～起碼條褲長咗可以改短，但如果條褲係短咗嘅話，就唔係咁容易可以駁返長㗎喇！再講吖，500円就買到一條用咗咁多布料嘅褲，計毛毛話，有你著數就真呀！

難アリ(汚れ)で500円で買ったんだけど絶対難アリの使い所は汚れではないと思うんだ。そして汚れは気にならない程度でした? pic.twitter.com/VRSMrFZvdZ

— ゆずる@25日千 (@yuzu_runba) 2017年1月14日

資料來源：yuzu_runba／twitter

回帶：【長腿叔叔你好嗎】條牛仔褲長到好似蛙鞋咁叫人點著呀？