早幾日，有個美國留學生喺網上post咗條片，話佢入住日本APA酒店嘅時候，發現酒店入面擺放咗本叫《真正的日本歷史理論近現代史》嘅英文書，引起中日兩國激烈討論呀。

呢本書內容提到1937年嘅南京大屠殺係中國捏造嚟怪責日本，又否認日軍當時強迫女性做慰安婦。

中國網民見到，梗係大反應啦，話本書唔應該篡改歷史，仲話會抵制APA酒店，甚至唔去日本旅行！

本書係由APA酒店個CEO寫嘅，佢見到中國網民咁不滿，竟然冇跪低，仲話自己希望畀讀者知道「根據事實來詮釋」嘅現代史，唔會收書咁話。

咁日本網民又點反應呢？佢哋似乎都冇乜討論歷史上誰對誰錯，而係將重點放晒喺「同胞唔再嚟日本」呢一點度，發出一片歡呼聲。佢哋話，覺得冇中國客嘅APA酒店真係諗下都覺得乾淨，可以有效預防小強，甚至拎返同胞喺名古屋拎走智能廁所板件事出嚟鞭屍！唔知同胞見到日本網民咁開心，會唔會調返轉頭更加想去日本旅行呢？

封面圖片、資料來源連結： KatAndSid／微博、觀察者網／微博 

回帶：【又係強國】見日本酒店個智能廁所板幾好用咪拎埋走囉！