平時日本嘅車站已經有好多出位嘅廣告同展覽，大家都爭住去影相呃like同打卡，但其實日本仲有好多比較舊嘅車站都冇咩點翻新，所以望落都開始殘同埋冇咩人理。估唔到某日畀網友發現到喺竹橋呢個舊車站，竟然有一幅膠紙藝術牆呀！

幅牆黐滿咗螢光粉紅同螢光綠膠紙，形狀隨意得嚟又有啲刻意，望落又有啲特別，又睇唔明係咩，啱啦！係藝術呀哈利～通常睇唔明嘅嘢就係藝術嚟㗎喇，仲要係抽象嗰隻呀，55，一定係！

大家仲話睇到舊車站嘅牆活化咗，真係好L感動呀！仲話好期待黐完之後個完成品會係點?呀！有位哥哥就終於hold不住內心嗰份澎湃嘅好奇心，決定走去問車站有冇得preview下個藝術品完成之後係大概咩樣。點知車站發炎人話，下，嚟緊幅牆要裝修，嗰啲膠紙用嚟落啲Marking㗎咋喎。

真係玻璃心碎了一地呀！大叔你又係嘅，真嘢唔好攞出嚟講呀嘛，好hurt㗎！老老77，明明每條膠紙都寫晒數字，仲出埋通告，點解你哋啲人仲會當佢咗係藝術品㗎，好心你哋幾廿歲人就唔好咁多「藝術性」幻想啦～

Between，講車站藝術有邊度及得上香港吖，有黨同政府咁愛錫你哋，攜手合作喺中環整咗幅比呢幅膠紙牆有文化n倍喇嘅巨型「故宮膠牆」你哋嘆喎，你哋班人仲唔感恩？

封面圖片及資料來源：BellissM／twitter、buzz-plus.com