噚日係侵侵就任儀式，一個二個都畀佢同囝囝嘅西方表情洗晒腦，佢講咗啲乜，相信大家都唔係好記得㗎喇……咁大場面，唔少前美國總統都有出席，大家又點可以眼光咁狹窄，淨係focus晒喺侵侵父子身上呢？你哋當前總統布殊冇到㗎？

話說儀式進行期間，上帝唔知係咪感動得滯啦，落起毛毛雨，搞到在場嘉賓一係淋住雨一係就要擔遮。可能布殊覺得擔遮唔夠莊重啦，又唔想畀件雨褸遮住套靚仔西裝，就諗到用件雨褸笠住個頭，成個look即刻詳和晒……

「諗諗下，都係唔好喇，包晒成塊面好啲，唔係一陣淋到溶妝點算……」

咁就啱喇，肥媽教落：將個膠笠戴落布殊仔，避雨係最實惠吖嘛！

聽講世上99％男人都唔鍾意著雨褸，原來係真㗎，仲要連前總統都唔例外……將件雨褸舞完一大輪，布殊最後都係決定除返落嚟，攬住佢算喇。唔知佢是咪終於發現有記者一直紀錄佢嘅雨褸大戰呢，老老尷尷咁笑咗下，諗住賣返個萌可以7少陣。講到喺大場面淋雨嘅最佳表情，使乜去到美國咁遠睇呀，睇龍蝦咪得囉……不過講還講，都係唔好貼相啦，廢事同布殊微笑張相太大反差啦。

封面圖片、資料來源連結：sfgate