「變化難去估，豹變成老虎，你會問何故～」呢首歌，只要有睇過《咕嚕咕嚕魔法陣》就肯肯定識唱啦～最近日本就有消息話呢套八九十後嘅童年回憶會重製動畫呀！大家除咗記得結他他老伯嘅結他他舞，唔知仲記唔記得入面其他經典笑料呢？例如以下呢碟飯！

冇錯，呢碟咪臭係勇者仁傑阿媽為囝囝精心炮製嘅「勇者午餐」囉！將成個地形同特色喺個飯上面忠實呈現，目的就係要寓訓練於食飯！呢碟連勇者見到都嚇一跳嘅地圖飯，估唔到竟然有人成功還原呀！

對比返，都真係有八九成似喎！雖然個形狀變咗正方形，但你up相上挨豬個陣有時都會長方形cut做正方形啦係咪？個地圖雖然壓縮咗，但啲位置都幾準㗎，佢仲要比原著更貼近現實，整埋個藍色大海?！

不過老老77，外表就神還原喇，內容物係咪一樣咁伏先？如果你有印象，應該都知道仁傑食第一啖就中咗毒沼澤嘅伏喇，呢碟飯睇嚟真係要勇者先打到嘅大佬⋯⋯

封面圖片及資料來源：kogane_pkg／twitter、動畫《咕嚕咕嚕魔法陣》截圖