去親台灣旅行，最鍾意就係入便利店shopping㗎喇！可能你心諗：下，咪又係便利店，賣下飲品賣下糖咁，有咩特別？咁你就真係太年輕喇少年，台灣嘅便利店唔止大大間，仲乜都有賣咁滯，真係必到check point嚟㗎！

便利店店員更加畀台灣人稱為地表最強服務業?呀！因為佢哋唔止要執貨同收銀，仲會煮關東煮、幫客人叮埋即食食品、沖咖啡、交帳單等等等等，萬能到就嚟連腳底按摩都識㗎喇！就似呢個店員哥哥咁呀，就要處理幾十件客人上網買嘅包裹喇，睇下佢，好似就嚟浸死咁呀！真係辛苦晒喇！

而另位哥哥面對時空旅者大駕光臨便利店shopping都仲面不改容，淡淡定定冇數錯錢，不愧為地表最強服務業！佢哋唔止可以克服舖頭入面任何困難呀，原來更加係剛柔並重！

話說有個做便利店店員嘅網民返緊夜更嘅時候，喺就嚟天光嗰陣，見到有個後生仔入到嚟冇幫襯，一嘢就坐底咗，之後仲趴埋喺枱面瞓著咗……店員留意到佢隔籬仲擺咗對好污糟嘅手套，feel到佢應該係啱啱收工攰到散晒，所以就特登斟咗杯熱茶擺佢枱面，慰勞下佢喇。雖然個後生仔最後冇飲到杯茶就走咗，不過都留言覆咗店員嘅字條多謝佢。雖然只係小小舉動，不過已經warm到入心喇，唔知呢兩個返夜班嘅人會唔會在一起呢！

封面圖片、資料來源連結：天天夜夜、Winter Liu、Yuhan Cao