有時無無聊聊，諗返起中學時代同班fd子玩過嘅無謂嘢，都會忍唔住蹙起個嘴偷笑㗎。黐memo喺人哋背脊、掟粉刷、跳樓梯呢啲，都係入門級，濕濕碎啦，成班男仔最鍾意就係上PE堂之前一邊換衫一邊玩閹……真係諗起都興奮呀！係呀，係好kai㗎喇，不過開心吖嘛！

最近日本落超級大雪，地面都有厚厚嘅積雪或者結晒冰。喂細路，睇L住呀，小心跣親呀！話口未完，就真係一仆一碌喇唉！

你同佢哋定啦，其實班學生哥唔係唔小心跣親，而係特登咁玩㗎～落大雪佢哋就開心喇，當正條冰封嘅斜路係滑梯咁，齊齊跣落去！其實跣嚟跣去都未係最爽呀，識玩一定係當自己係保齡球咁，一嘢撞跌晒前面班同學！

後面個哥仔見到班同學跣晒落地，貫徹「睇人pk最開心」嘅心態，竟然拍晒手掌啵，真係夠晒老友喇。不過他朝君體也相同……其實都唔使等到他朝喇，下一秒咪連自己都跣低埋囉。

睇見佢哋幾個同學仔，淨係一條斜路都玩半日，真係想唱句「青春真可愛青春」呀～

神戸市北区スケートリンク❄️ pic.twitter.com/nLUTdmFRnE

— 奥田 太陽? (@GoodboyTaiyo2) January 24, 2017

封面圖片、資料來源連結：GoodboyTaiyo2／twitter

延伸閱讀：【隱世高手】喺雪地練倒立係咩玩法？