好多人都淨係讚貓星人同汪星人打耳，但係其實雀仔都好可愛㗎～而且養雀仲有好多好處?，佢哋唔止會得閒唱下歌仔你聽，有啲雀仔仲識學人類講嘢或者幫人占卜，簡直係多才多藝呀！

好似呢隻鸚鵡仔咁，唔好睇佢雀仔細細，其實佢身懷絕技，就係極速打窿！只係幾下有埋beat嘅啪啪啪聲，鸚鵡仔就清脆俐落咁打咗幾個窿仔喺張單張上面啦～係咪好叻叻豬呢？呢個只係佢其中一個功能咋～

只要鸚鵡仔繼續用嘴巴啄啄啄，就會啟動進階功能㗎啦～btw，啄啄下啲窿望落咁似人哋零食紙盒嗰啲輔助線嘅？

隱藏功能GET！所以話你哋啲人類使咩買啲咩釘窿機同埋波浪較剪㗎～雀仔一隻就搞掂晒啦～你睇佢啄出嚟個波浪幾靚幾整齊，仲靚過你剪出嚟呀！果然係家有一雀如有一寶呀！

不過呢款產品有個限制，就係剪紙嘅長度同打窿嘅地方完全視乎雀仔心情同個人築巢需要，仲需要大量雀粟推動及保養，所以大家購買前要三思呀。順便溫提有養雀嘅大家，如果唔想屋企嘅雀仔用你嘅金錢堆砌佢嘅新居，就記得收好銀紙喇～

封面圖片及資料來源：rin_kekyo／twitter

回帶：【心急小小鳥】1月都未過我隻雀已經搣定個月曆去3月喇

こちらが非売品の生態シュレッダーでございます。 pic.twitter.com/zaqoZPnF3A

— けきょ (@rin_kekyo) January 23, 2017