最近有套電影《思．裂》，導演參考咗小說《24個比利》，創作咗患有解離症，即係俗稱「人格分裂」嘅主角Kevin。Kevin自細就分裂左23個唔同嘅人格出嚟，有細路、女人，甚至有想操控其他性格嘅男人，23個「我」就喺同一個身體入面存在、角力！

現實，就有22歲嘅Sunday，佢體內嘅7個我我我我我我我，將佢拉開、撕裂，真正經歷比電影更實在同慘烈嘅痛苦⋯⋯

大部分人，甚至醫護人員都會誤將解離症當成一般精神病治療，患者平均被誤診嘅時間可長達7年。可幸嘅係，Sunday經過診斷後，依家已經接受緊正確嘅治療。