細個睇卡通片或者兒童節目，嚟嚟去去都係睇打怪獸㗎啦，差在係超人一個打十個定成個戰隊群毆㗎啫。其實有兩個疑問到而家連Master租都仲未解答到㗎，一個就係點解怪獸唔趁正義使者變身嘅時候走佬或者偷襲佢，另一個就係點解啲乜乜戰隊都覺得一定要著緊身衫先保衛到地球囉……

平時著件tee細少少都唔舒服啦，啲乜乜戰隊著晒緊身衫再戴頭盔笠實個頭，仲要打架咁大運動量，唔會焗到中暑暈低㗎？好彩，睇到日本網民陪阿仔睇電視嘅時候發現嘅呢個畫面之後，終於知道答案喇！

原來件戰衣係有個窿仔透氣㗎！不過開喺塊面咪會畀怪獸認得，等佢哋收咗工都伏佢哋囉？所以個窿仔就開喺後面喇，咁咪又透氣又方便囉！話唔定叉電都係靠晒呢個窿仔，等黃戰士可以神不知鬼不覺咁增強energy㗎咋！再講呀，打唔過咪放個煙霧彈（又名無聲屁）畀敵人嘆下囉！

不過咁，再好打嘅戰士都有攰嘅時候，需要同人合作下先可以keep住疊馬嘅。唔知呢位黃戰士同最叻硬直隊穿牆嘅烈車戰隊啪住上會點呢？

子供と録画したニンニンジャー見てて見付けたけどケツ破れとるやんwwwww pic.twitter.com/vZvrZJGslp

— ペケ (@deshishi1122) February 4, 2016

封面圖片、資料來源連結： deshishi1122／twitter

延伸閱讀：【童年崩壞】硬直烈車隊穿牆咁係咩玩法？