就嚟正月十五喇，係咩日子？咪就係可以拆利是嘅大日子囉，不過睇死你班友仔都即收即拆即shopping㗎喇，邊會留到咁耐吖。其實呢日仲係元宵節，古代人終於有得出夜街、借啲意約心上人去睇花燈，都幾浪漫㗎～唔好成日凝住睇聖誕燈飾先叫潮，去花燈會就好out先得㗎，傳統花燈勝在夠立體呀傻豬！

你睇呢隻傳統手工紥作嘅鹿仔幾立幾體？每個部份都係師傅嘅心血結晶嚟㗎，真係要好好地仔細欣賞先對得住佢！咦嘩，真係好突出喎……條鹿鞭。連呢啲detail位都整埋出嚟，一啲都冇揸流灘，師傅真係好pro呀！欽敬欽敬！

聽講上年盞鹿仔花燈都一樣咁猛料㗎，吖唔係，咁大隻都唔可以話係鹿仔喇，第一猛鹿先啱！失覺晒！日頭睇都咁有效果，真係好期待睇到夜晚亮燈之後會威到咩地步呀！

其實唔止整鹿仔花燈嘅師傅㗎，連整模型馬仔嘅廠商都一樣咁一丁不苛啫。以後爸爸媽咪畀小朋友問到自己係點嚟嘅時候，想搵教材就方便得多喇，我真係恭喜你哋呀！

封面圖片、資料來源連結：黃志浩、atbobb／twitter

同場加映：隻玩具馬使唔使連丁丁都整埋咁仔細呀？