邊個話阿伯淨係識得著露點白背心？邊個話阿伯唔潮得㗎？即使係一個82歲嘅阿伯都一樣可以成為潮流教主！細路，學嘢啦！

咦喂，果然一睇呢位阿伯嘅衣著打扮就知佢走在日韓時裝界嘅潮流尖端喎！

是咁的，其實呢位台灣阿公著成咁，笨唔係因為要去飲，而係要同屋企去賞櫻呀！同大家分享呢兩張阿公是日造型照嘅網民仲話，阿公今朝一早就已經襯好晒衫，仲剷咗佢起身叫佢一齊出去睇櫻花喇～喂老老77，去賞櫻啫，阿公你套衫使唔使襯到咁型呀？

不過既然咁型，咁就唔爭在影張相留個念喇。而當呢位網民幫阿公影相嘅時候，阿公竟然仲識chok返幾個型棍甫士出嚟畀佢影？果然活到老型到老呀下！

而講到活到老型到老嘅嘢，呢位婆婆先係終極大佬！大家睇下佢呢個髮型，係咪覺得好熟口面咁呢？冇錯，呢個咁潮嘅all back髮型連BIGBANG嘅TOP都剪過㗎！

喂阿婆，你連阿TOP個頭都駕御到，毛毛仲點夠你玩呀？

（嗚嗚，一講起TOP，毛毛對眼又濕了……）

資料來源：Ah Chun／●【爆廢公社】●、dcard

睇埋：【潮爆阿嫲】連阿T.O.P個頭都駕御到