眼係人嘅靈魂之窗，識得睇人對眼，幾乎就等如識睇穿人哋內心一樣！睇眼係一門好高深嘅學問，見到人反白眼，即係不屑囉；見到人合埋眼，即係眼瞓囉；見到人逗雞眼，即係對眼睇唔開囉……係咪唔講你唔知，一講你就知呢！至於死魚眼喇喎，就好難講清楚嘅，有請呢個日本網民教大家睇睇啦！

呢對死魚眼咁大對，就夠晒清楚喇！見到人有死魚眼，分分鐘即係話佢係個手作達人呀！點解？事關呢副死魚眼鏡，係由個網民親手整㗎，又整得幾似啵衰鬼，唔知對眼係咪用3D打印㗎呢？

錯喇，假眼又點帶出到死魚眼嗰種空洞、無奈、行屍走肉嘅感覺呢？佢係喺街市買條魚返嚟，用堅魚眼整㗎！戴咗去應該唔止對眼死，連個鼻都畀陣腥味攻死咗……

老老77，如果唔講係用新鮮死魚整，都幾有型嘅～反正而家啲妹豬咁興用美肌app執大對眼，不如考慮下戴住副堅・死魚眼鏡自拍啦，連大眼仔都慳返呀！

【試作】「死んだ魚の目」メガネ
スーパーで買って来たアジの目の写真を貼り付けただけ。キモい。 pic.twitter.com/WTogyTiJvt

— げんれい工房WF5-26-05 (@Genrei_studio) February 16, 2017

封面圖片、資料來源連結：Genrei_studio／twitter