通常嚟講，鍾意得一樣嘢，都會瘋狂收集埋同嗰樣嘢有關嘅嘢。就好似啲女女咁，假如個女女係鍾意hello kitty嘅，咁咪筆袋、化妝袋、電話殼乜乜77都用晒有hello kitty圖案㗎囉。而以下呢位台灣網民鍾意嘅就唔係hello kitty，而係斑馬呀～

話說，呢位台灣網民係由高中三年級嗰陣喜歡斑馬嘅，佢話覺得斑馬好可愛，於是就慢慢踏上斑馬控呢條不歸路喇……

嘩嘩嘩，張床使唔使咁多斑馬紋呀？床單、被袋、地氈、連拖鞋都係斑馬紋……睇到毛毛花都眼埋呀！

喂，咁就話眼花？睇埋以下呢啲先講啦！

斑馬公仔都有十幾隻（部分係朋友送嘅）。

生日禮物－朋友手製門簾。

小物一堆。

斑馬紋，全部都係斑馬紋……

睇完呢位網民咁多件收藏之後，毛毛除咗表示O嘴之外都唔知講咩好。雖然呢位台灣網民已經一屋都係斑馬紋，但「一日為斑馬控，終身為斑馬控」，佢作為斑馬控嘅生涯又點會咁就完結吖，呢位網民都話好想知道自己可以狂熱到咩地步。

老老77，其實能夠咁鍾意一樣嘅都係好事嚟嘅，起碼人哋見到斑馬紋就即刻會諗起你吖嘛～存在感get！

資料來源：dcard

回帶：點解可以成間房都係Tiffany藍㗎？！

又回帶：【迷人Green Lady】廿年生活只有綠色