啲人成日用妙手乜乜乜嚟形容醫生，因為醫生對手真係好重要。假如對手唔夠妙嘅話，真係分分鐘會搞出人命㗎！吖，醫生揸手術刀叻毛毛就知啫，乜原來揸畫筆都一樣咁勁㗎？

雖然呢幅心臟畫逼真到好似仲識郁咁，但呢幅畫真係由浙江一位年青有為嘅醫生哥哥用電腦畫出嚟㗎！睇真啲，隱隱約約見到啲血管咁，係咪仲真過以前bio書啲插圖好多呢？

喂，醫生畫畫都畫到咁靚，究竟你係醫生定畫家呀？哦，咪又係因為阿爸阿媽話做醫生有前途，加上呢位哥仔又讀得成書，所以咪暫時放棄咗支畫筆囉。（咁做醫生又的確係好搵好多嘅……）

既然而家已經完成咗屋企嘅心願，就梗係嗱嗱聲搵返自己嘅興趣啦！由起稿到上色，呢嚿肥美嘅五花腩，就係咁樣慢慢成形喇～稍為調整埋啲光暗位同細節位，望落真係有種熟悉嘅感覺呀～

「喵～係好肥美嘅肉肉呀！」

就連主子望住嚿肉肉都忍唔住流晒口水，仲想走埋去舔下佢?！

不過主子好快就發現原來一切都係假象……大膽奴才，竟然夠膽欺騙主子嘅感情？

between，咁後生就做到醫生，畫畫又咁叻，仲要係貓奴?……得啦，而家咩女都畀你溝晒啦！咁得閒就畫埋毒L們嘅破碎的心出嚟啦下！

封面圖片及資料來源：都市快報