可能人類對辛辛苦苦得返嚟嘅嘢特別珍惜啦，蟹要剝一大輪先有得食咁麻煩，食嘅時候真係覺得寧舍滋味㗎！蟹雖然真係好好食，但係明明淨係食肉同膏，買嘅時候又要秤埋個殼，冇得食又要畀錢，真係有啲唔抵囉，你話如果個殼可以用返嚟做其他嘢就話啫！

畀你諗到盡咪又淨係諗到用個殼嚟煲湯？唉，畀啲新意啦！呢個日本高手就用蟹殼嚟整戰車喇！幫隻蟹上咗色之後，再喺上面黐啲槍呀大炮呀士兵呀仲有啲講都唔知乜嘢嘅模型仔，咁就完成喇！

估唔到個效果又幾霸氣喎，睇下仲有邊個敢話蝦兵蟹將係廢柴呀嗱？如果美人魚揸住佢去搵烏蘇拉，就想點都得啦，邊使用自己把靚聲嚟換對腳咁慘呀！

有另一個網民都show off下自己嘅蟹殼戰車，隻色上得迫真啲之餘，連轆都有埋，邊夠佢玩呀？Btw，幫手用過蟹殼整飾物嘅毛毛表示，隔住個mon都聞到陣腥味，好想大叫一聲……臭蟹！

なんかすごい。ガチの蟹のこうらをベースに使ってるらしい pic.twitter.com/RRjBcXojZy

— S.Nonohara/埜々原 (@s_nonohara) February 19, 2017

封面圖片、資料來源連結：s_nonohara／twitter

延伸閱讀：【超強勁】日本人用龍蝦殼神還原沙煞比模型！

同場加映：《藝文・閘》