眾所9知，《格雷的五十道色戒2》呢套電影早喺今個月頭已經上咗畫。

吖，毛毛以為淨係去拜年先唔可以兩手揈揈得梳蕉啫，點知原來連睇《格雷》都要有所準備㗎喎……如果唔係呀，早前澳洲又點會有觀眾帶埋兩條畀透明膠袋保護住嘅小青瓜入場睇戲啫！

而最近，台灣有對情侶都一樣做好準備先入場睇《格雷》，不過今次佢哋帶入場嘅就唔係青瓜，而係一大pat白色液體呀！

是咁的，話說有位台灣網民個fd子就喺戲院返工嘅。有日佢見到其中一場《格雷》只係得一對情侶入場，本身都冇乜嘢，點知到散場嗰陣佢就發現櫈上面多咗灘白色液體，而且仲有條黑色t-back畀人漏低咗?！嗱嗱嗱，你哋話對情侶當時喺戲院搞咩先搞成咁先？

相信心水清嘅大家都估到發生緊咩事，而有「毛記柯南」之稱嘅毛毛當然都估得七七八八、九九十十啦！以毛毛9估，呢對情侶梗係偷偷地帶忌廉湯入戲院飲，仲要唔小心倒瀉埋，至於嗰條t-back……咪臭係用嚟抹返乾淨啲忌廉湯㗎囉！55，一定係咁！

唉，雖然成場得你哋兩條友啫，但你哋都唔可以偷偷地啪……啪忌廉湯落口㗎嘛。仲偷啪？成個電影業小賣部畀你哋搞彎晒喇！

資料來源：Brittany Lee Flaherty、鍾政諺／爆料公社