2017年03月01日 星期三
【好靚呀】老師親手畫《魔女宅急便》黑板畫賀同學仔畢業
每逢二三月，一班就嚟要畢業嘅同學仔都會特別傷感，因為lasy day呢日終於來臨，係時候要同同學仔講bye bye喇。而喺講bye bye之前，搵同學仔影下相、畫下黑板嚟製造最後嘅美好回憶是常識吧！
最近，日本奈良縣立郡山高中嘅美術老師濱崎佑貴都親手畫咗幅《魔女宅急便》嘅黑板畫嚟送畀一班即將要畢業同學仔，希望佢哋前程錦繡。腥些果然係腥些呀下，幅《魔女宅急便》黑板畫真係靚到揼一聲呀！
喂，話明係美術老師，畫黑板畫嘅功力就梗係有返咁上下啦。多得濱崎老師畫呢幅《魔女宅急便》黑板畫，而家班同學仔就多個打卡靚位可以影嚕～
其實呀，濱崎老師已經唔係第一次為學生畫黑板畫。早幾個月，佢為咗學校嘅文化節都特登畫咗幅《你的名字。》黑板畫，聽講幅黑板畫仲用咗三天時間嚟完成㗎！而且呢幅《你的名字。》黑板畫之後仲畀網民瘋傳，連新海誠本人睇到都覺得好驚訝！
相信濱崎老師嘅心意，班學生一定會收到，成為學生生涯嘅其中一個美好回憶。
おちこんだりもするだろうけれど、みなさんおげんきで。#黒板アート #魔女の宅急便 pic.twitter.com/YRbTXCIWGC
— はまー (@hamacream) 2017年2月28日
資料來源：waka19981116／twitter、hamacream／twitter
超強黑板畫系列：
