根據毛毛縱橫挨豬多年嘅親身經驗，玩美肌App就好似一個無底深淵咁，開頭只係諗住校白少少、輕輕磨下皮咁啦，仲會特登留返幾粒雀斑仔等人唔好覺得自己咁重手嘅；之後就開始發現，原來執走埋個黑眼圈都幾好睇啵，打亮少少個鼻樑都唔係好覺啫；到最後，磨皮已經開到去100度不特止，仲要連對眼都放大埋成倍成至收貨……
唔明呀？唔緊要，毛毛用例子嚟講解下。呢隻蕃茄相信只係美肌初手，佢只係輕輕tune光咗張相同埋個白平衡，嘗試令自己個樣精神返啲、紅粉菲菲少少，都係好正常嘅，話晒而家要搵個完全零P圖、直post無添加嘅少女都唔容易㗎喇。
嗱，而呢條白蘿蔔呢，睇嚟就進入咗第二階段㗎喇。佢唔止逐粒逐粒暗瘡印執走晒，仲連條大疤痕都磨到光光滑滑，月球表面都變成剝殼雞蛋，一app在手，想做女神冇難度呀！雖然一睇就知執咗相，不過相信都仲會有班盲粉信佢係天然美女嘅。
至於呢兩位山羊小姐呢個案例呢，就可以話係重重咁跌入咗美肌深淵喇。佢哋面上原本一條條分明嘅細紋都磨到平滑晒都不在講啦，連個咀仔同耳仔都tune到粉嫩粉嫩咁，仲P到隻豆豉眼兩倍大，都好重手下喎！最勁係佢哋用完呢個美肌App之後，冇眉羊都變有眉羊吖嘛！之但係重手成咁，連fan屎都覺得你係PS怪啦下話……
見山羊小姐玩得咁高興，主子都唔輸蝕呀，一於素顏自拍返張！不過話素顏啫，冇話唔執相吖嘛傻豬，用App幫自己上妝咪得囉，想變花面貓又得，得咗。唉而家連動物都沉醉喺美肌裝甲嘅深淵，到底仲有咩係信得過㗎！
最近の若い女の子たちが使ってるアプリってすごいんだね。
— kumiko (@935kumiko935) March 1, 2017
ヤギがこんなに盛れた。 pic.twitter.com/gLgAzjuMzq
封面圖片、資料來源連結：Renon2003_amaro／twitter、935kumiko935／twitter、JRRTrollkin／twitter、shiropen／twitter
