【蛋蛋的哀傷】阿仔咁玩超人法 真係睇到都覺得痛呀

小朋友有無窮無窮小宇宙,發揮起創意上嚟真係會嚇你一跳㗎~而家興畀細蚊仔自由發揮,話咁先可以發掘到佢哋嘅潛能喎~專家又話細路仔玩玩具嘅方法,有時仲可以反映到小朋友自己嘅情緒同諗法𠻹~但係有啲小朋友玩玩具嘅方法,真係睇到阿爸阿媽心都離一離呀!

圖片來源:Fuckinman3Man/twitter

呢條係一條普通嘅火車軌,最多咪用嚟玩火車瓹山窿,會有啲咩事啫~唔通小朋友細細個就咁識玩玩出軌?定係想同老竇暗示啲咩先?

圖片來源:Fuckinman3Man/twitter

喂?乜超人有出火車㗎咩?超人就算飛都冇理由四腳朝天咁飛㗎?定係邊隻怪獸咁犀利,打到超人飛起呀?

圖片來源:Fuckinman3Man/twitter

睇L住呀!叫咗你要注意交通安全㗎啦,而家搞到子彈火車撞蛋蛋,真係男人最痛算這種呀!老竇喺側邊睇住佢玩唔知有冇隱隱約約都覺得有啲痛咁呢?

喺側邊玩嘅仔仔仲要話超人下面臭臭,唔通超人同鬼怪一樣冇洗底底?咁老竇要小心啲喇,如果畀仔仔覺得你臭嘅話⋯⋯

 

封面圖片及資料來源:Fuckinman3Man/twitter

毛記電視網站 · 版權所有 · 不得轉載 Copyright © TVMOST.COM.HK All rights reserved